đaЯk ńigĥt المدير العام ..}
العمر : 38 عدد الرسائل : 404 الموقع : بلاد العاشقين تاريخ التسجيل : 04/03/2009 الـنـقـاط : 1384
| موضوع: عالشات يو قاايز السبت يونيو 20, 2009 2:50 am | |
| السلام عليكم ورحمة الله وبركاته صباحكم/مسائكم رضا وسعادهـ وأوقاتكم عامرهـ بطاعة الله موضوع اليوم أعذروني إذا حسيتوا إنه طويل أو كلام ماله داعي هو شي بنفسي حبيت أناقشكم فيه بغض النظر عن إهتمامي لكيفية كتابة الموضوع أنا ماأدري دموعي يستحقها هاالموقف ولا لا وماأدري إسترسالها هو كله على الموقف إللي صار ولاهي بنفسي من البارح وطلعت دفعه وحدهـ أنا بتكلم بكل صرآحه وشفافيه أذكر قبل فترة دخلت الشات دخلته لنشر منتداي و حب إستكشاف لاأكثر دآيم أسمع عنه وأسكت ماأحب أتكلم عن شي ماشفته بعيني وهاالمرهـ قلت مايمنع أدخل وأشوف وعشان أكون بقمة الصرآحه دخلت أحد الرومات بإسم ×نور عيني× ماأعرف ولاشي أضغط يمين وشمال ماأدري ربي وين حاطنـي فيه أو أنا وين حاطه نفسي المهم لقيت مسافة كتابه تحت كتبت مساالخير جاتني ردود كلهم يمسون قلت ممكن وحدهـ تعلمنـي وش أسوي لأني أول مرهـ أدخل الشات بدأت قمة السخافات من الموجودين إللي يقول علينا ماتعرفين وإللي تقول طسي برى وش دخلك إذا ماتعرفين أهم شي طالت الردود وزآد إصراري أبعرف/ وش هو الشات ؟ وكيف؟ ووش الحكمه منه؟! وشوي ردت علي وحدهـ وقالت أنا أعلمك أهم شي جلست تعلمنـي وإنه أبد مايبيله وزآد إستحقاري له سكت وجلست أتابع بصمت فقط أشوف المكتوب وربــــي وربــــي وربــــي والله العظيم ضياااااااااااااااااااااااااااااااااااااااااااااااااااااع تفاهه , ضياع وقت , لعب بالمشاعر , إستخفاف بالعقول , سب , كلام ماله دآعي , هوشات دعاوي على الرآيح والجاي , أحبك للرآيحه والجايه فديتك , لبـى قلبك وعيونك وبعدييييييييييييييييييييييييييييييين!!!! لوين يعنـــي ومن يستحق؟! والمـشكله/ قالت لي وحدهـ منهم أثناء تعليق لي بسيط هيه إنتـي بلافلسفه لاتخربين وناستنا وأطلعي الباب يمـين ترى يكون بعلمك هذا الشات محترم وماتلقين شات بإحترامه ياويل قلبـي وربي أنصدمت إذا هذا محترم !!!! أجل الباقي وش فيها؟! مايشرفنـي أعرف ولاأبي أعرف لكن ليه؟ وش الحكمه منه؟! أكـمـل / بعد فتـرة صمت ومرآقبه كافيه كتبت كلمات وعظيه وأرسلتها على طول بدت كلمات جزاك الله خير ومشكورهـ و4 منهم سجلوا مغادرهـ دخل وآحد إسمه سعودي مدري وشو خاص سلم وقال جزاك الله خير كلامك أثر فينـي كلامك أعجبنـي ومن هالكلام سألنـي كم عمرك قلت له 14 مو من باب التعارف مافكرت بهاالشي ولايهمنـي علمته بس من باب يرآجع عمرهـ توقعته كبير أبيه يقارن يعرف إن فيه أصغر منه لكن بإدرآك أكبر وإن إللي يسويه محاسب عليه قلت إللي عندي وخرج رجعت كنت بخرج بعدين قلت لا مدام فيه ناس يستجيبون خليـني أكتب شي مفيد علَّ وعسى ينفع لأن الدخول شغّال كتبت هذا الحديث/ قال صلى الله عليه وسلم: {لاتزول قدما عبد يوم القيامه حتى يُسأل عن أربع : عن عمرهـ فيما أفناهـ , وعن جسدهـ فيما أبلاهـ , وعن علمه ماذا عمل به , وعن ماله فيما أنفقه ومن أين إكتسبه } وكتبت نصيحه تحتها والله بسوي خروج أنهالت عليّ الدعوات وفرحت إن فيه ناس الخير فيهم صح ردودهم مو شي لكن فيهم خير يوم لقوا أحد ينبههم لكن!!! الشي إللي حرق قلبـي حقارة بعض الناس إللي مايبون الخيـر لالهم ولاغيرهم وكلامهم الوسخ البذيء الدنيئ إللي كل كلمات القذارهـ ماأحسها توفي إسلوبهم وقذارة ألفاظهم وقلة إحترامهم أنا ماأقول إلا الله يهديهم لبصيرتهم لكن متأكدهـ بإذن الله بيـجي اليوم إللي يرن كلامي إللي قلته بآذانهم ومضه/ البطاله مب عذر للضياع سعة الوقت نعمه لاتخلونها نقمه الفرآغ العاطفي إملوهـ بالتقرب من الله الحين أبـي الأجوبه منكم إنتوا ناقشونـي وجاوبوا بكل صرآحه وماأبي أشوف المشاهدآت تحت وماألقى ردود أول سؤال/ ماالحكمه من الشـــــــــــــات؟ أو كما أطلقت عليه (الشتـــــات)؟ إيش الفوائد إللي يجنيها إللي يدخل له؟ مامصير العلاقات الشاتيه؟ هل يضمنون من دخولهم له ثلاث حسنات فقط؟ خاص لروآد الشات/ عمرك حاولت تكتب شي يفيد الموجودين؟ فيه شي سويته بالشات تضمن إنه بميزان حسناتك؟ النقاش للجميـــ ع ومحد معصوم من الخطأ ومافي أحد منزهـ مايخطى أنا إللي كاتبه الموضوع هذا لاتضنوني ملاك ماأخطى أنا كلي أخطاء وأرجوا المغفرهـ من الله وبس أتمنى تناقشوني بكل صرآحه ووضوح لكم تح ـــــــــيتي Sukar.mal7 | |
|